1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Avropa İttifaqı Şurası Kiyevə 4,2 milyard avro dəyərində makromaliyyə yardımının ikinci tranşını ödəməyə razılıq verib.
Oxu.Az-ın MK.ru-ya istinadən xəbərinə görə, bu barədə qurumun saytında dərc edilmiş sənəddə məlumat verilib.
Həmçinin, ödənişin yaxın vaxtlarda həyata keçiriləcəyi qeyd edilib.
"Şura ölkənin makro-maliyyə sabitliyini və dövlət idarəçiliyinin fəaliyyətini dəstəkləmək üçün Aİ-nin Ukrayna üzrə Fondu çərçivəsində qrant və kreditlərin ikinci dəfə müntəzəm verilməsini təsdiqləyib", - deyə məlumatda bildirilib.
Nəzərə çatdırılıb ki, müsbət qərar Ukraynanın Aİ Fondundan vəsait almaq üçün lazımi şərtləri və islahatları yerinə yetirməsindən sonra qəbul edilib.
Şura vurğulayıb ki, ölkədəki çətin maliyyə vəziyyətini nəzərə alaraq, pulun tez bir zamanda ayrılması vacibdir.
