Bakıda keçirilmiş COP29 qlobal iqlim konfransı zamanı “Mastercard” Azərbaycan-ın dayanıqlılıq təşəbbüsləri şirkətin ətraf mühit, sosial və idarəetmə (ESG) öhdəliklərinə sadiqliyini vurğulayır.
“Mastercard” dayanıqlı inkişafı dəstəkləmək və ətraf mühitə təsiri azaltmağı hədəfləyir. Şirkət, innovasiya və əməkdaşlıq vasitəsilə müsbət dəyişikliklər yaratmaq, dayanıqlı və inklüziv gələcəyi təmin etməyə yönələn korporativ məqsədini izləyir.
Dayanıqlı Şəhər Mobilliyi Təşəbbüsləri
COP29-un ekoloji hədəflərinə uyğun olaraq “Mastercard”, “Bakı Taksi Xidməti” MMC, ABB və “APAR” ilə əməkdaşlıq edərək Azərbaycanda dayanıqlı nəqliyyat təşəbbüslərini təqdim edib. Bu təşəbbüslərə 700 ekoloji təmiz pedallı velosiped və 200 elektrik velosipedinin istifadəyə verilməsi daxildir. “Mastercard” kart sahibləri üçün 50% endirim təklif olunub. ABB “Mastercard” sahibləri pedallı velosiped abunəliklərində endirimdən yararlanıb, bütün “Mastercard” istifadəçiləri isə elektrik velosipedlərin icarəsi üçün əlavə təşviqlər əldə edib.
Dayanıqlı Ödəniş Kartlarının Təşviqi
“Mastercard”, PVC plastikdən hazırlanan kartları ekoloji təmiz alternativlərlə əvəz etmək səylərini sürətləndirib. 2026-cı ilə qədər “Mastercard” Azərbaycanda PVC plastikdən istifadəni tamamilə aradan qaldırmaq planını həyata keçirir və yerli banklarla əməkdaşlıq edərək dayanıqlı materialları təşviq edir. Bu addım plastik tullantıları azaltmaq üzrə “Mastercard”ın geniş öhdəliyini dəstəkləyir.
Kiçik Bizneslərin və Yaşıl Maliyyələşmənin Dəstəklənməsi
“Mastercard”, kiçik bizneslərin yaşıl təcrübələrə keçidini dəstəkləmək üçün yerli müəssisələrə az karbonlu əməliyyatlara keçid etməyə və yaşıl maliyyələşmə həllərinə çıxış əldə etməyə kömək edir.
“Mastercard”ın Dayanıqlılığa Davamlı Sadiqliyi
“Mastercard”ın COP29 çərçivəsindəki fəaliyyəti onun dayanıqlılığa olan davamlı sadiqliyini əks etdirir. Şirkət 2040-cı ilə qədər sıfır karbon emissiyasına nail olmağı hədəfləyir və ətraf mühitin qorunmasını təşviq etməyə davam edir. “Mastercard”ın səyləri daha dayanıqlı və inklüziv bir dünya qurmağa, yaşıl bir gələcək yaratmağa töhfə verir.
