“iPhone 15” aldı, içərisindən plastilin çıxdı – VİDEO

Rusiyada mağazadan yeni alınmış “iPhone 15” qutusundan plastilin parçası çıxıb.

Bizim.Media Rusiya mətbuatına istinadən xəbər veir ki, qəribə olay Yekaterinburq şəhərində baş verib.

Məlumata görə, Yekaterinburq sakini "Eldorado" mağazasında özünə “iPhone 15” seçib və telefonun ödənişini edib, lakin evə gələrək qablaşdırmanı açdıqda qutunun içərisindən plastilin aşkar edib. Bundan sonra alıcı mağazaya qayıdıb.

Müştəri ilə görüşən əməkdaşlardan biri belə halların artıq baş verdiyini bildirib. Mağaza işçisi guya yeni telefon almaq üçün anbara gedib, lakin geri qayıtmayıb. Başqa bir məsləhətçi zərərçəkmişə mağazaya şikayət yazmağı tövsiyə edib. Bildirilib ki, şikayətə 10 gün ərzində baxılacaq. Vəziyyətin həll olunub-olunmadığı açıqlanmayıb.


Bizim.Media

• Mağaza
• Iphone 15
• Yekaterinburq
• Plastilin
• Eldorado