Lerikdə iri qaya parçası yola düşüb.
APA-nın cənub bürosunun verdiyi xəbərə görə, Lerik rayonunun ucqar dağ kəndi olan Dico kəndində iri qaya parçası yola düşüb. Nəticədə Lerik-Piran-Veri-Dico kənd yolu bağlanıb, nəqliyyatın hərəkətində problem yaranıb.
Kənd ərazi icra nümayəndəsi Bəyəli Bədəlov APA-nın cənub bürosuna hadisəni təsdiqləyib: "Dico kənd sakinlərinin rayonla daha qısa yolu Veri-Dico yolu bağlanıb. Sakinlər digər yol olan Tikaband-Hücü-Dico yolundan istifadə edirlər. Bu da əsas yoldan bir az uzaq olur. Məsələ ilə bağlı aidiyyəti orqanlar məlumatlandırılıb. Yolsuzluq şəraitinə görə, əraziyə ağır texnikalar çıxa bilmir. Qaya parçasını yoldan götürmək üçün digər alternativ variantlar nəzərdən keçirilir".
Qeyd edək ki, hazırda Dico kəndində 10-a yaxın ailə yaşayır.
