Kareliya Respublikasının Kemski rayonunda ev iti qızın üzündən dişləyib.
Medianews.az “Daily”ə istinadən xəbər verir ki, xəsarət alan uşağın valideynləri heyvan sahibini məhkəməyə verib.
Məlumata görə, əvvəllər uşağın anası itin sahibinə heyvanın təhlükəli ola biləcəyi barədə xəbərdarlıq edib və iti ipdə saxlamağı xahiş edib. Amma sahibə tərəfindən heç bir reaksiya olmayıb.
Heyvanın hücumundan sonra qadın itin sahibinə heyvanın qıza hücum etdiyini bildirib, lakin sahibi üzr istəməyib.
Məhkəmə sübutları nəzərdən keçirib və uşağın xeyrinə 100 min rubl mənəvi təzminat təyin edilməli olduğu qənaətinə gəlib.
“Uşaq musiqi məktəbindən evə qayıdarkən bu it qızımın üzünü dişlədi. Polisə ərizə yazdım, sahibi ilə bir neçə dəfə danışdım – hər şey faydasız idi. İt bir-iki gün zəncirdə olub, sonra yenə gəzintiyə çıxıb”, – deyə yaralı uşağın anası bildirib.
