“Tedjon Xana Sitizen”də çıxış edən Azərbaycan millisinin müdafiəçisi Anton Krivotsyuk Cənubi Koreyada qalmağı lazım bilib.
O, klubu ilə müqaviləni uzadıb.
Yığmamızın 26 yaşlı üzvünün yeni sözləşməsi 2027-ci il dekabrın 31-dəkdir.
Ukrayna kökənli Krivotsyuk 2023-cü ilin fevralından “Tedjon Xana Sitizen”də çıxış edir. Bu mövsüm ümumilikdə 28 oyuna 2 qol vurub və 1 qol ötürməsi ilə yadda qaılb.
2023-cü ilin fevralından Cənubi Koreyada legioner həyatı yaşayan sabiq "Neftçi"li təsadüfən “Tedjon Xana Sitizen”də qalmağa üstünlük verməyib.
Asiyalılar başqa təklifləri də olan Antona əvvəlkindən daha yaxşı şərtlər irəli sürüb. O, qarşıdakı 3 ildə 1 milyon avroya yaxın pul qazanacaq.
SPORTİNFO.AZ
