İsveçdə yerli "Elfsborq"la Azərbaycan təmsilçisi "Qarabağ" arasında keçiriləcək Avropa Liqasının Liqa mərhələsinin oyununun hakimləri müəyyənləşib.
Rekord.az xəbər verir ki, qarşılaşma Portuqaliyadan olan ədalət təmsilçilərinə həvalə edilib.
FIFA referisi Antonio Nobreyə Pedro Ribeyro və Nelson Pereyra kömək edəcək.
Avroliqanın Liqa mərhələsinin 6-cı turunda, dekabrın 12-də təşkil olunacaq "Elfsborq" - "Qarabağ" oyununa Bakı vaxtı ilə saat 00:00-da start veriləcək.
