ABŞ-ın Kaliforniya ştatında davam edən güclü yanğına görə 20 mindən çox insan təxliyə edilib.
E-huquq.az xarici mətbuata istinadən xəbər verir ki, Kaliforniya ştatının Malibu şəhərində güclü külək nəticəsində yanğın baş verib.
Yanğının sürətlə yayıldığını bildirən səlahiyyətlilər, 20 mindən çox sakin üçün təxliyə əmri verib.
Milli Meteoroloji Xidmət bölgədə Santa Anada küləyin sürətinin saatda 64 kilometrə çatdığını qeyd edib.
Bölgədə təhlükəsizlik tədbirləri səbəbiylə 40 mindən çox adamın elektrik enerjisi kəsilib.
Digər bölgələrdə də yanğınlarla bağlı əhaliyə xəbərdarlıq edilib.
Şəbnəm Mehdizadə
