Berezutski “Qarabağ”ın zəfər yürüşünü dayandırdı - REPORTAJ

Sabah (Bakı) – Qarabağ (Ağdam) 1:1 (0:0)
1. Yusif İmanov – 6,5
4. Elvin Camalov (k) – 6,0
(10. Namik Ələskərov, 63) – 4,5
17. Tellur Mütəllimov – 6,0
8. Ayaz Quliyev – 6,0
2. Amin Seydiyev – 6,0
88. Xəyal Əliyev – 5,5
(70. Cesse Sekidika, 56) – 5,0
7. Boyan Letiç – 6,0
44. Sofian Çakla – 5,5
18. Pavol Safranko – 6,0
(20. Coy-Lens Mikels, 63) – 5,6
40. İqor Noqeyra – 4,5
(3. Con İrasabal, 80) – qiymətsiz
99. Neqoş Kupusoviç – 6,0
(12. Vinsent Til, 63) – 5,0
Ehtiyat oyunçular
55. Nicat Mehbalıyev
94. Rəvan Mirzəmmədov
9. Anatoli Nuriyev
5. Rəhman Daşdəmirov
22. Abdulla Rzayev
11. Kahim Parris
Baş məşqçi: Vasili Berezutski
Komandanın ən yaxşısı: Yusif İmanov

99. Mateus Koxalski – 6,0
55. Bədavi Hüseynov (k) – 6,0
(13. Bəhlul Mustafazadə, 72) – 4,5
30. Abbas Hüseynov – 5,0
(44. Elvin Cəfərquliyev, 63) – 5,0
27. Toral Bayramov – 6,0
90. Nəriman Axundzadə - 6,5
8. Marko Yankoviç – 6,0
18. Olavio Juninyo – 6,0
(21. Aleksey Kaşuk, 72) – 5,5
2. Mateus Silva – 6,0
6. Julio Romao – 5,5
(7. Yassin Benzya, 63) – 5,5
15. Leandro Andrade – 6,0
11. Emmanuel Addai – 5,5
(10. Abdulla Zubir, 63) – 5,5
Ehtiyat oyunçular
1. Şahrudin Məhəmmədəliyev
97. Fabian Buntiç
20. Riçard Almeyda
22. Musa Qurbanlı
29. Marko Veşoviç
66. Patrik Andrade
19. Redon Cica
Baş məşqçi: Qurban Qurbanov
Komandanın ən yaxşısı: Nəriman Axundzadə

Qollar: N.Kupusoviç, 49 (1:0, E.Camalov). N.Axundzadə, 68 (1:1, O.Juninyo).
Vərəqələr: J.Romao, 35 (qeyri-idman hərəkəti). E.Camalov, 46 (qeyri-idman hərəkəti). V.Til, 85 (qeyri-idman hərəkəti) – sarı.
Hakimlər: ELÇİN MƏSİYEV, Elşad Abdullayev, Pərviz Talıbov, Əkbər Əhmədov (hamısı Bakı).
VAR hakimi: Əliyar Ağayev (Bakı).
VAR hakiminin köməkçisi: Zeynal Zeynalov (Bakı).
Hakim-inspektor: Ömər Paşayev (Bakı).
AFFA nümayəndəsi: Elçin Məmmədov (Bakı).
7 dekabr. Bakı. “Bank Respublika Arena”. 3000 tamaşaçı (8700 yerlik).
Yalnız ikinci hissəyə 4 dəqiqə əlavə olunub.
Oyunun qiyməti: 6,0.

Bu komandaların dueli maraqla gözlənilirdi. Bir tərəfdə Vasili Berezutskinin gəlişindən sonra özünü sübut etməyə çalışan “Sabah”, digər tərəfdə isə yenidən liderliyə yüksəlmək istəyən “Qarabağ” var idi. Ağdamlılar cəmi bir saat əvvəl bitən oyunda “Araz-Naxçıvan”ın qələbə qazanmaqla zirvəni ələ keçirdiyindən xəbərdar idi. Üstəlik son üç oyunda bir-birinin ardınca “Zirə”, “Səbail” və “Neftçi”ni darmadağın edən çempionun yenə də qələbəyə can atacağı aydın idi.

İlk dəqiqələrdən top uğrunda gərgin mübarizə getdi. “Bayquşlar” heç də rəqibdən geri qalmırdı. Amma ilk təhlükəli vəziyyəti qonaqlar yaratdı. Yankoviçin kornerdən qapı önünə ötürməsini Leandro baş zərbəsi ilə tamamlamaq istəsə də, Yusif İmanov ayıq-sayıq idi. Meydan sahiblərinin ifasında ilk təhlükəli vəziyyət 13-cü dəqiqəyə təsadüf etdi. Seydiyevin cərimə meydançasına ötürməsini Bədavi uzaqlaşdıra bilmədi. Elvin Camalov topu Tellura ötürsə də, onun da zərbəsi qeyri-dəqiq oldu. 29-cu dəqiqədə Toral Bayramoun cərimə zərbəsi də yaxşı alınmadı. Hissənin sonuna qədər qarşılıqlı hücumlar davam etsə də, hesab açılmadı.

Komandalar 2-ci hissəyə də eyni heyətlə başladı. Sadəcə, meydandakı mübarizə daha canlı, maraqlı xarakter aldı. 47-cu dəqiqədə Leandro sürəti hesabına üç rəqibdən yayınıb zərbə endirsə də, top qapıdan aralı keçdi. Amma “köhlən atlar”ın bu fəallığı uzun sürmədi. 49-cu dəqiqədə Ayaz Quliyevin kornerdən qapı qarşısına ötürməsini Abbas Hüseynov uzaqlaşdıra bilmədi. Hücumun davamında Camalov topu Kupusoviçə çatdırdı. O isə topu saxlamadan, birbaşa zərbə endirməklə hesabı açdı – 1:0. Həmin epizodda Abbas sona qədər mübarizə aparmağı yox, yerə yıxılmağı seçdi. Təbii ki, ağdamlılar məğlubiyyətlə barışmaq fikrində deyildi. Qurban Qurbanov Benzya, Zubir və Cəfərquliyevi meydana buraxmaqla hücumu gücləndirdi. Maraqlıdı ki, Berezutski də elə həmin an Mikelsi oyuna qoşdu, sanki 2-ci qolu vurmaq niyyəti güdürdü. 68-ci dəqiqədə daha bir qol vuruldu. Bu dəfə “Sabah”ın qapısına. Leandrodan ötürmə alan Juninyo cinahda Noqeyranı tank kimi əzib cərimə meydançasına daxil oldu. Braziliyalının ötürməsini Nəriman dəqiq zərbə ilə tamamladı – 1:1.

75-ci dəqiqədə “Qarabağ” hesabda önə keçməyə yaxın oldu. Yankoviçin ötürməsi zamanı Noqeyra topu uzaqlaşdıra bilmədi, Nəriman onu geridə qoyub, zərbə vursa da, top qapıdan azca aralı keçdi. 79-cu dəqiqədə Nərimanın fərqlənmək cəhdinin qarşısını İmanov aldı. Sona yaxın Zubir – Benzya – Kaşuk kombinasiyasını sonuncu qeyri-dəqiq zərbə ilə tamamladı. Uzatma dəqiqələrində Zubir, Kaşuk və Benzya qələbə topunu vurmaq imkanını əldən verdi. Beləliklə, bu maraqlı oyunda qalib müəyyənləşmədi.

ƏSƏD SEYİDOV

• Futbol
• Qarabağ
• Reportaj
• Zəfər Yürüşü
• Berezutski