.jpg)
Olaylar.az xəbər verir ki, bu haqda "People" jurnalı yazır. Məlumata görə, onun mühərrikin səsinə baxmayaraq eşidilən qışqırıqları Almaniyanın CompassCollective xeyriyyə təşkilatının dənizdə xilasetmə əməliyyatları aparan əməkdaşları tərəfindən duyulub.
Hadisə mərkəzi Aralıq dənizində bir neçə gün davam edən fırtına zamanı baş verib. Tunisdən yola çıxan gəmi İtaliyanın Lampedusa adası yaxınlığında qəzaya uğrayıb. Xilasedicilər ehtimal edir ki, gəmidəki digər 45 sərnişin həlak olub.
Balaca qız üç gün dənizdə iki improvizə olunmuş xilasetmə dairəsi ilə sağ qalıb. O, bu dairələri şişirdilmiş gödəkcədən və hava ilə doldurulmuş kameralardan hazırlayıb. Uşaq gəmi qəzasından sonra suda başqa sərnişinlərin də olduğunu, lakin onlardan uzaqlaşdığını bildirib.
Tunis, Liviya, İtaliya və Malta arasında miqrasiya marşrutu dünyanın ən təhlükəli yollarından biri sayılır. 2014-cü ildən bəri bu yolda 24 mindən çox insanın itkin düşdüyü və ya həyatını itirdiyi məlumdur.
