RU

AMİP sədri ABŞ-da keçirilmiş mötəbər “İDU Forum-2024”də iştirak edib

Öncədən xəbər verildiyi kimi, Azərbaycan Milli İstiqlal Partiyasının (AMİP) sədri, millət vəkili Arzuxan Əlizadə və sədrin beynəlxalq əlaqələr üzrə müavini Elşən Mustafayev ABŞ Respublikaçılar partiyasının ev sahibliyi, Beynəlxalq Demokrat İttifaqı (İDU) və ABŞ Liderlər İnstitutunun təşkilatçılığı ilə 3-7 dekabr tarixlərində Vaşinqtonda keçirilmiş “İDU Forum-2024”də iştirak ediblər.

 

AMİP-in mətbuat xidmətindən Senzor.az-a verilən məlumata görə, Foruma 100-dən çox ölkədən 500-dən artıq iştirakçı qatılıb.

 

İştirakcılar əsasən dünyada tanınmış siyasətçilər, ictimai xadimlər, hazırkı və keçmiş dövlət və hökumət başçıları, Avropa Parlamentinin sağ mərkəzyönlü fraksiyalarının rəhbər və üzvləri, ABŞ-ın Respublikaçılar partiyasını təmsil edən konqesmen və senatorlar olublar.  

Forumun 3 günü ərzində keçirilən panel iclaslarında əsas müzakirələr Donald Tramp dövründə ABŞ-ın dünyada gedən proseslərə yanaşması, yaxın Şərqdə baş verənlər, Ukrayna-Rusiya müharibəsi, Avropada təhlükəsizlik, Dünya iqtisadi münasibətlərinə yeni baxış və digər vacib məsələlər ətrafında aparılıb.

 

ABŞ-ın yeni seçilmiş Prezidenti Donald Trampın komandasında Milli Təhlükəsizlik məsələləri üzrə prezident müşaviri olacaq Maykl Uolts Forumda çıxış edərək 20 yanvardan sonra Ağ Evin aparacağı xəttin bəzi konturlarını açıqlamaqla gələn ildən dünyada yeni, eyni zamanda fərqli proseslərin gedəcəyinə işarə vurub. Eyni zamanda Böyük Britaniya konservatorlar partiyasının lideri Kemi Badenoç, Avropa Parlamentinin ən böyük fraksiyası olan Avropa Xalq Partiyasının (EPP) prezidenti, Avropa Parlamentində  EPP qrupunun rəhbəri Manfred Veber çıxışları və müaraciətləri ilə gündəm olublar.  

AMİP sədri səfər müddətində AXP (EPP) sədri, Avropa Parlamentində sağ mərkəzçi qrupun rəhbəri Manfred Veber, Avropa Parlamenti xarici əlaqələr komitəsinin sədri David Mc Allister, Respublikaçılar partiyasının senatda və konqresdə olan bir cox təmsilçiləri və digər tanınmış siyasətçilərlə  görüşlər keçirib, reqionda gedən proseslərlə əlaqədar,   o cümlədən torpaqlarımız işğaldan azad olunandan sonra Ermənistanla Azərbaycan arasında sülh müqaviləsi imzalanmasının gedişatı ilə bağlı fikir mübadilələri aparıb. 

Qeyd edək ki, AMİP 1999-cu ildən etibarən dünyanın 80-dən artıq ölkəsinin 100-dən çox sağ-mərkəz yönümlü partiyasını özündə birləşdirən Beynəlxalq Demokrat İttifaqının tam hüquqlu üzvüdür.

 

Senzor.az

Избранный
8
2
senzor.az

3Источники