Fransa prezidenti Emmanuel Makron siyasi böhranı həll etməyə çalışır.
Musavat.com xarici mediaya istinadla xəbər verir ki, ifrat solçu və ifrat sağçı qüvvələrin onun namizədlərinə etimadsızlıq bildirmək niyyətində olduğu bir şəraitdə prezientin stabil hökumət yaratmaq çətinliyi var. Çox güman ki, tərəflər gələn ilin yeni büdcəsi ilə bağlı razılığa gələ bilməyəcəklər. Lakin bu halda fransızların rifahı naminə siyasətçilər kompromis texniki büdcəyə, bəlkə də mərkəzçi baş nazirə - texnokrata razılaşmalı olacaqlar.
Parlament partiyalarının liderləri baş nazir postuna potensial namizədləri müzakirə etmək üçün Makronla görüşüblər. Media xəbər verir ki, ölkə başçısı istefa verən Mişel Barnyenin yerinə kimin keçəcəyinə qərar verməlidir.
Müxtəlif siyasi spektrlərin nümayəndələri ilə görüş 5-ci respublika prezidentinə çətin seçimdə kömək etməli idi. Bununla belə, namizədin təsdiqlənəcəyi fakt deyil, nəinki onun vəzifədə uzun müddət qalması. Fakt budur ki, nə millətçilərin de-fakto lideri Marin Le Pen, nə də ifrat solçu “Fəth olunmamış Fransa”nın nümayəndələri Makronla əlaqə saxlamayıblar.
Lakin Barnyenin istefasını mahiyyətcə Milli Assambleyada ən çox yerə sahib olan bu iki siyasi qüvvə təşkil edib. Bəlkə də Makronun planı solçu koalisiyanı parçalamaq və “Fəth olunmamış Fransa”nın müttəfiqlərini əməkdaşlığa inandırmaq idi. Lakin siyasi rəqiblərlə müttəfiqlik strategiyası yayda keçirilən parlament seçkilərinin ikinci turunda olduğu kimi artıq prezidentə uğur gətirmir.
Siyasi qüvvələr artıq partiyaların fikirlərinə məhəl qoyulmamasına dözmək istəmir və bu, Makronu, demək olar ki, çıxılmaz vəziyyətə salır. O, 48 saat ərzində namizəd seçəcəyini vəd edib. Lakin o, hələlik qərarını açıqlamayıb.
Musavat.com
