“Qarabağ” Avropa Liqasının Liqa mərhələsinin VI turunda bu gün “Elsfborq”un qonağı olacaq. İsveçdə baş tutacaq görüşə saat 00:00-da start veriləcək.
Azərbaycan yığmasının sabiq futbolçusu Ceyhun Sultanov “FutbolPress”ə açıqlamasında matçdan gözləntilərini bölüşdü:
“İkiqat ağır oyun olacaq. “Elfsborq” soyuqda oynamağa öyrəşib, üstəlik “Qarabağ”ın müdafiəsində problemlər var. Buna baxmayaraq, “Qarabağ”ın özünəməxsus oyun üslubu var və dominant futbol oynayır. “Qarabağ” düşən qol imkanlarından istifadə edə bilsə, qələbə qazanacaq. Alınmazsa, çətin olacaq. Çünki belə komandalar sürətli əks-hücumlarla oynaya bilir. “Qarabağ”a uğurlar arzu edirəm. İnanıram ki, bu gün qələbə qazanacağıq. Bir də əsas məqam odur ki, bəxt də bizdən yana olsun”.
Şahin Cəfərov
