Suriya İsrailə qarşı döyüşmək üçün yardım qüvvəsi çağırır.
Turkustan.az xəbər verir ki, Suriyanın bir sıra siyasi qüvvələri ərəb ölkələrini İsrailin təcavüzünün dəf edilməsinə və dövlətin ərazilərinin işğalının qarşısının alınmasına, o cümlədən qoşun göndərməklə yardım etməyə çağırıb. Bu barədə TASS-a daxil olan məlumatda deyilir.
“İsrailin Suriya ərazisinə qarşı genişmiqyaslı təcavüzü, müxtəlif ərazilərin işğalı və Suriya ordusunun döyüş potensialının məhv edilməsi ilə əlaqədar olaraq biz yardım istəyirik. Bu bir təcavüzdür vəbiz bu təcavüzü pisləyirik. Bəzi ictimai qüvvələr bunu kənardan izləyərək, susur.
Biz Suriyanın, ərazisinin və xalqının birliyində maraqlı olan ərəb ölkələrini bütün mümkün vasitələrlə, o cümlədən bu işğalın qarşısını almaq üçün ərəb qüvvələrini göndərməklə, İsrailin Suriyanın cənubuna təcavüzünə müqavimət göstərməyə çağırırıq”.
Aytən Yaşar/ Turkustan.az
