Ümummilli Lider Heydər Əliyevin vəfatının 21-ci ildönümü münasibətilə Mədəniyyət Nazirliyinin rəhbərliyi və kollektivi, mədəniyyət ocaqlarının nümayəndələri də Fəxri xiyabanda Ulu Öndərin məzarını ziyarət edib, xatirəsini ehtiramla anıblar.
Mədəniyyət Nazirliyindən APA-ya verilən məlumata görə, Ulu Öndərin məzarüstü abidəsinin önünə gül dəstələri qoyulub, əziz xatirəsi dərin ehtiramla yad olunub.
Qeyd edək ki, ziyarət zamanı Ümummilli Liderin ömür-gün yoldaşı, Azərbaycan səhiyyəsinin inkişafında müstəsna xidmətləri olan görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə gül dəstələri düzülüb.
