Dəməşqdə 100-dən çox insan cəsədi aşkarlandı - Foto

Suriyanın paytaxtı Dəməşqdə hava limanına gedən yolda 100-ə yaxın insanın cəsədi tapılıb.

Teleqraf.com xəbər verir ki, bu barədə "Anadolu Ajans" məlumat verib.

Bəşər Əsədin devrilməsindən sonra ölkədə axtarış və yoxlama işləri davam edir. Nəticədə hava limanına gedən yolda təxminən 100 nəfərin qalıqları tapılıb. Qalıqların bəziləri cəsəd torbalarında, bəziləri isə yolda tapılıb.

Torbalarının üzərində farsca yazılar qeyd olunub.

Qalıqlar tapılan ərazidə axtarış işlərinə başlanılıb.

• Hava Limanı
• Cəsəd
• Axtarış
• Dəməşq