Türkiyənin Bursa şəhərində yerləşən məhkəmə binasına silahlı hücum təşkil olunub.
Musavat.com xəbər verir ki, hücum zamanı iki nəfər həyatını itirib, daha iki nəfər isə müxtəlif dərəcəli güllə yarası alıb.
Hadisə yerinə dərhal polis və təcili tibbi yardım briqadaları cəlb olunub. Əraziyə giriş-çıxışlar məhdudlaşdırılıb, hüquq-mühafizə orqanları genişmiqyaslı araşdırmalara başlayıb. Hücumun motivi və məsuliyyət daşıyan şəxslər barədə hələlik rəsmi açıqlama verilməyib.
Bursa sakinləri arasında narahatlıq yaradan hadisə ilə bağlı təhlükəsizlik tədbirləri artırılıb. Məhkəmə prosesi müvəqqəti olaraq dayandırılıb.
Musavat.com
