“Bayern”in baş məşqçisi Vensan Kompani Almaniya Bundesliqasında dekabrın 22-dən yanvarın 10-dək davam edəcək qış fasiləsi haqda danışıb.
Arena.az “Bayern”in mətbuat xidmətinə istinadən, belçikalı mütəxəssisin bu barədə fikrini təqdim edir:
“İndi mən çox şadam ki, bizim qış tətilimiz var, çünki yay tətilimiz olmayacaq. Yalnız fiziki deyil, həm də zehni olaraq bərpa üçün müəyyən sayda günün olması vacibdir. Bundesliqada bu var. İngiltərədə isə komandalar qışda çoxlu oyun oynayırlar. Bu, bir ənənədir”, deyə Kompani bildirib.
13 turdan sonra 33 xalla “Bayern” Almaniya Bundesliqasının yarış cədvəlində liderdir.
Əlavə edək ki, yarışın birinci dövrəsini zirvədə bitirmiş komandanın yekunda Bundesliqanı qazanacağı ilə bağlı bir inanc da alman futbolunda mütəmadi doğrulur.
