Sərnişin təyyarəsi quşlarla toqquşması səbəbindən Nyu-Yorkun Con Kennedi Beynəlxalq Hava Limanında təcili eniş edib.
Axar.az xəbər verir ki, bu barədə "Assoşeyited Press" agentliyi məlumat yayıb.
Məlumata əsasən, onlardan biri təyyarənin mühərrikinə dəyib.
Bildirilib ki, hadisə təyyarə Nyu-Yorkun digər hava limanı olan La-Quardiyadan havaya qalxdıqdan 9 dəqiqə sonra baş verib. Təyyarədə olan sərnişinlərdən heç biri xəsarət almayıb.
