Moldova Ali Məhkəməsi ölkənin bank sistemindən bir milyard ley oğurlanması işi üzrə fərari oliqarx İlan Şorun hökmünü qüvvədə saxlayıb. O, 15 il müddətinə azadlıqdan məhrum edilib.
Bu barədə TV8 telekanalı xəbər verir.
Nəşrin məlumatına görə, Moldovanın ən yüksək məhkəməsi Şorun vəkillərinin oliqarxın bank dələduzluğu işi üzrə qiyabi olaraq 15 il həbs cəzasına məhkum edilmiş hökmdən verdiyi şikayəti rədd edib.
Xatırladaq ki, Şora qarşı şikayətə baxılmasına 2023-cü ilin noyabrında başlanılıb. O vaxtdan bəri dinləmələr bir neçə dəfə təxirə salınıb.
Oxuməni.az
