Bu il London Fond Birjası (LSE) üçün qlobal maliyyə böhranından bəri ən pis il olacaq.
Qaynarinfo "Financial Times"a istindən xəbər verir ki, ilin əvvəlindən 88 şirkət birjanı tərk edib və ilkin kütləvi təkliflərin sayı cəmi 18 olub.
Nəşr qeyd edir ki, bu rəqəmlər son 15 ildə birja üçün ən pis nəticədən xəbər verir.
FT vurğulayır ki, 2020-ci ildən bəri altı FTSE 100 şirkəti LSE-dən xaricdəki birjaların xeyrinə çıxmaq qərarına gəlib. Dekabrın əvvəlində bazar kapitallaşması 23 milyard funt-sterlinq olan sənaye avadanlıqlarının icarəsi şirkəti "Ashtead", əsas siyahısını Londondan Nyu Yorka dəyişmək planlarını açıqlayıb. Dekabrın 13-də ticarətin sonunda bu yeddi şirkətin ümumi kapitallaşması təxminən 280 milyard funt-sterlinq təşkil edib ki, bu da FTSE 100 indeksindəki şirkətlərin ümumi dəyərinin təxminən 14%-nə bərabərdir.
LSE-dən ayrılan əksər şirkətlər Nyu York birjasını seçirlər. Rəhbərlər ABŞ birjalarının daha geniş investorlar hovuzu və səhmlərinin likvidliyini artırmaq imkanı kimi üstünlüklərini qeyd edirlər. Bundan əlavə, bəzi şirkətlər üçün ABŞ prioritet bazardır.
Aydın
