Bruno Fernandeş “Mançester Yunayted”in tarixinə düşüb.
İdman.biz xəbər verir ki, portuqaliyalı yarımmüdafiəçi “qırmızı şeytanlar”ın tarixində Premyer Liqada penaltidən ən çox qol vuran futbolçu adına sahib çıxıb.
Fernandeş XVI turun “Mançester Siti” ilə görüşündə fərqlənib. Bu, onun 11 metrlik cərimə zərbəsindən 21-ci qolu olub. O, “ağ nöqtə”yə 25 dəfə yaxınlaşıb.
Bununla da portuqaliyalı klubun əfsanəsi Ueyn Runinin rekordunu arxada qoyub. 20 dəfə penaltidən qol vuran sonuncu 28 cəhddən bunu bacarıb.
Qeyd edək ki, “Mançester Yunayted” derbidə 2:1 hesablı qələbə qazanıb.
İdman.biz
