Xəbər verdiyimiz kimi, Suriyanın keçmiş lideri Bəşər Əsədin ailəsinin aktivlərinin dəyərinin 12 milyard dollar olduğu bildirilir.
Turkustan.az xəbər verir ki, insan haqları vəkilləri izə düşərək bütün varlıqları Suriya xalqına qaytarmağı planlaşdırdıqlarını və bunu Suriya xalqına borclu olduqlarını bildiriblər.
Eyni zamanda bəzi suriyalıların Bəşər Əsədin ailəsinin malikanələrini, dəbdəbəli avtomobillərin və sənət əsərlərinin olduğu qarajları qarət etməyə başladığı qeyd edilib.
Ağ Evin keçmiş rəsmisi Endryu Teybler bildirib ki, rejim aktivləri üçün beynəlxalq axtarış olacaq. Lakin “Wall Street Journal”-da dərc olunan hesabata görə, Əsədin vəsaitlərinin izinə düşülməsinin uzun müddət çəkəcəyi ehtimal edilir.
Əsəd ailəsinin aktivlərinin dondurulması cəhdləri bir neçə il əvvəl başlayıb. Xüsusilə, 2019-cu ildə Paris məhkəməsi Bəşər Əsədin əmisi Rifat Əsədin dövlət vəsaitlərinin yuyulması yolu ilə əldə etdiyi 90 milyon avro dəyərində aktivlərini bloklayıb.
WSJ yazır ki, rejimin əsas adamları arasında "JPMorgan" bankının keçmiş əməkdaşı kimi ailənin maliyyə əməliyyatlarında fəal iştirak edən həyat yoldaşı Əsma Əsəd seçilir.
Tədqiqat firmalarının fikrincə, ailə Argentinada daşınmaz əmlaka, otellərə və hətta çay biznesinə sərmayə qoyub.
Bir çox aktivlər başqa adlar altındakı şirkətlər vasitəsilə idarə olunur, bu da onları izləməyi çətinləşdirir. Sanksiyalar və beynəlxalq araşdırmalara baxmayaraq, Əsəd ailəsinin bir çox üzvü ilə əlaqə saxlamaq mümkün deyil və onların dəqiq harada olduqları bilinmir./publika.az
