İspaniyanın "Atletiko" klubu bir rəqiblə oyunlardakı məğlubiyyətsiz seriyaya görə rekordunu təkrarlayıb. Manset.az xəbər verir ki, bu barədə "Opta Sport" statistika portalı məlumat yayıb. Madrid təmsilçisi buna La Liqanın XVII turunda "Xetafe"yə 1:0 hesabı ilə qalib gəlməklə nail olub. Paytaxt klubu bu komanda ilə duellərdə 23 görüşdür (19 qələbə, 4 heç-heçə) uduzmur. "Atletiko" 1954-1979-cu illər aralığında 23 matçda "Malaqa"ya yenilməyib. Qeyd edək ki, Dieqo Simeonenin baş məşqçisi olduğu kollektiv hazırda 38 xalla turnir cədvəlinin ikinci pilləsində qərarlaşıb. Bir oyun çox keçirən "Barselona" da eyni xala malikdir.
