Azərbaycan Premyer Liqasının XVII turunun “Qarabağ” – “Sumqayıt” oyunundan (5:0) sonra meydan sahibi komandanın baş məşqçisi Qurban Qurbanov jurnalistlərin suallarını cavablandırıb.
Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…
– Vaqif Cavadova uğurlar arzulayıram. Onu burada görmək çox xoş oldu. Futbolçularımı təbrik edirəm, vacib qələbə idi. Müdafiədə itkilərimiz var, zədəlilərimiz çoxdur. Bu gün də Bədavi əzələsində ağrı hiss etdi. Futbolçularımızı istirahətə sağlam buraxmaq istəyirik, amma alınmır. Bizi narahat edən məsələlərdən biri budur. Heyətdə dəyişiklik edirik və bəzən səhvlərimiz olur. Demək olar, eyni oyunçular eyni mövqe səhvlərinə yol verirlər. Yəqin, ilin sonudur və istirahəti düşünürlər.
– Toral Bayramov mərkəz müdafiəçisi mövqeyində necə təsir bağışladı? Ona yerə həmin mövqedə şans verəcəksiz?
– Oyun tərzinə baxanda hazırda müdafiəçilərin içində ən uyğunu Toraldır. Təki digərləri sağlam olsun və belə bir ehtiyacımız olmasın. Toralın hücumu başlatmaq qabiliyyəti var, onun ötürmələri daha dəqiqdir. Lazım olduqda onu orada istifadə edə bilərik.
– Qışda mərkəz müdafiəçisi transferi gözlənilir?
– Hər mövqeyə axtarışlar gedir. Mərkəz müdafiəçisi mövqeyi üçün də ciddi axtarışdayıq.
– Daxili çempionatda bəyəndiyiniz futbolçular var?
– Maraqlandığım futbolçular var.
Şahin Cəfərov
