Şuşa Dövlət Musiqili Dram Teatrında kadr dətyişikliyi olub.
Bakıvaxtı.az-ın əldə etdiyi məlumata görə, Əməkdar artist Loğman Kərimov teatrın baş rejissorluğundan istefa verib.
Onun otağını artıq təhvil verdiyi də deyilir.
Məsələylə bağlı Bakıvaxtı.az Loğman Kərimovla əlaqə saxladıq. Əməkdar artist deyilənləri nə təkzib, nə təsdiq etdi. Sualımızı dinləyəndən sonra “Başım qarışıqdır” deyərək, telefonu qapatdı.
Şuşa Dövlət Musiqili Dram Teatrına etdiyimiz zənglər isə cavabsız qaldı.
Mina Mikayılova
