Sabiq argentinalı futbolçu Serxio Aquero 32 yaşlı Məhəmməd Salahın gələcəyi ilə bağlı suallara cavab verib.
Futbolpress.az xəbər verir ki, Serxio misirli forvardın razılığa gəldiyini və “Liverpul”da qalacağını bildirərək, vəziyyətə aydınlıq gətirib:
“Başa düşdüyüm kimi, Salah “Liverpul” ilə müqaviləsini daha iki mövsümlük yeniləyib. Düşünürəm ki, bu, onun gələcəyi ilə bağlı bütün şübhələri aradan qaldırmalıdır. O, əsas oyunçu olaraq qalır və yeni müqavilə “mersidaydlılar” üçün ən yaxşı xəbərdir”.
Salah İngiltərə nəhənginin heyətində bütün yarışlar daxil olmaqla 372 oyunda 227 qol vurub. Ocümlədən, Çempionlar Liqasında 44 qol vurub ki, bu da “Liverpul”un rekord göstəricisidir.
