Bu arada balıq emalı ilə məşğul olan üç şirkət – “Baltiyskiy bereq”, “Russkoe more” və “Evroprom” dekabrın 16-18-də öz məhsullarının qiymətlərini artıracaq.
SİA-nın məlumatına görə, bu barədə “Kommersant” şirkətlərin qiymət artımı barədə pərakəndə satış şirkətlərini xəbərdar etdiyi məktublara istinadən xəbər verir.“Baltiyskiy bereq” 16 məhsul üzrə qiymətləri 3-25 faiz artıracaq. Ən çox pivə üçün balıq dəstləri bahalaşacaq; yağda və duzlu suda midye, doğranmış kalamar və dəniz məhsulları pastası 20 faiz bahalaşacaq. Siyənək filesinin qiyməti 10 faiz artacaq.
İstehsalçıların məktublarından belə nəticə çıxır ki, qiymət artımı xammalın qiymətinin artması və balıq qıtlığı ilə bağlıdır.
Artıq cəhrayı qızılbalıq 30 faiz, skumbriya 40 faiz bahalaşıb. Sakit okean xammalı orta hesabla 16 faiz, Atlantik xammal 10 faiz bahalaşıb.
Qeyd edilməlidir ki, Yeni il öncəsi Rusiyada ərzaq məhsullarının qiymətləri tələbatın artması səbəbindən ənənəvi olaraq qalxır.
...Rusiya Federal Antiinhisar Xidməti bu praktikanı bəyənmədiyini bildirib.
Qeyd edilməlidir ki, bu payız Rusiyada kərə yağı ətrafında ajiotaj yaranıb. Rosstatın məlumatına görə, 2024-cü ilin əvvəlindən noyabrın 5-dək kərə yağı 27,5 faiz bahalaşıb. İri istehsalçılar istehsalı azaltmağa və kərə yağının pərakəndə satış şəbəkələrinə daşınmasını dayandırmağa başladılar.
Bəzi supermarketlərdə yağ qoruyucu qutularda qablaşdırılmağa və ya rəflərdən tamamilə çıxarılmağa başlanıb, sanki elit spirt və ya qara kürüdür.
Gərək ki, SİA bir müddət bundan əvvəl də yazmışdı: yanvarın 1-dən Rusiyada spirtli içkilərin qiymətlərinin artacağı gözlənilir.
Qonşuda bişrər və təbii ki, bizə də düşər..?
Yəni Rusiyada bahalaşacaq balıq konservlərinin bizdən də yan keçməyəcəyi məlumdur.
Nazlı Almuradova
