Sallivan: Kiyevə yardımın dayandırılması onun Rusiya ilə danışıqlarda mövqeyini zəiflədəcək
ABŞ Ukraynaya yardım göstərməkdən imtina edərsə, Kiyevin Moskva ilə potensial danışıqlara dair mövqeyi zəifləyəcək. TASS xəbər verir ki, bu barədə ABŞ prezidentinin milli təhlükəsizlik üzrə köməkçisi Ceyk Sallivan açıqlama verib.
O qeyd edib ki, ABŞ-ın hazırkı və sonrakı administrasiyası Kiyevə kömək etməyə hazır olduqlarını nümayiş etdirməli və onu “müdafiə üçün” lazım olan hər şeylə təmin etməlidirlər və bu, Rusiya ilə danışıqlar zamanı “yaxşı nəticə” əldə etmək üçün rıçaq olacaq. Sallivan vurğulayıb ki, əgər Vaşinqton Kiyevə yardımı dayandırdığını elan etsə, o zaman Ukraynanın danışıqlardakı mövqeyi dərhal zəifləyəcək.
Dekabrın 18-də Avropa Parlamentinin Lüksemburqdan olan üzvü Fernand Kartheiser bəyan edib ki, ABŞ Kiyevə yardımı dayandırarsa, Avropa İttifaqı ölkələri Ukraynanı hərbi əməliyyatları davam etdirmək üçün kifayət qədər silahla təmin edə bilməyəcək.
