HƏMAS hərəkatı Qəzza zolağındakı girovların İsrail həbsxanalarında saxlanılan fələstinlilərlə dəyişdirilməsinə dair mümkün razılaşmanın birinci mərhələsi çərçivəsində 30-a yaxın girovu İsrail tərəfinə təhvil verməyə razılaşıb.
Bu barədə hərəkata yaxın olan Fələstinin “Maan” agentliyi məlumat yayıb.
Məlumata görə, HƏMAS təxminən 30 israilli girovun bəzilərini diri, bəzilərinin isə meyitini təhvil verəcək.
Həmas həmçinin İsrail həbsxanalarından azad edilən fələstinlilər arasında ömürlük həbs cəzası çəkən məhbusların olacağını gözləyir.
Bundan əlavə, nəşrin yaydığı məlumata görə HƏMAS Misir sərhədindəki Rəfah keçid məntəqəsinin Fələstin hissəsinin qərargahını Misirin ümumi nəzarəti ilə İordan çayının qərb sahilinin Ramallah şəhərində yerləşən Fələstin Milli Administrasiyasının nəzarətinə verilməsi ilə bağlı razılığa gəlib.
