Müəllif: Tamara Mustafayeva, Banco.az
Yaponiya Mərkəzi Bankı (BOJ) bazar proqnozlarına uyğun olaraq faiz dərəcəsini sabit saxlamağa qərar verib.
Banco.az xəbər verir ki, ABŞ-ın yeni seçilmiş prezidenti Donald Trampın iqtisadi planları ilə bağlı qeyri-müəyyənlik fonunda siyasətçilər borclanma xərclərini artırmaqda ehtiyatlı olmağa üstünlük verdikləri üçün Yaponiya Bankı cümə axşamı faiz dərəcələrini sabit saxlayıb.
Ümumiyyətlə gözlənildiyi kimi, BOJ-un doqquz nəfərdən ibarət İdarə Heyəti qısamüddətli siyasət faizini 0,25 faiz səviyyəsində sabit saxlamaq qərarına gəlib.
Bununla belə, idarə heyətinin üzvü Naoki Tamura inflyasiya risklərinin artdığını nəzərə alaraq faiz dərəcələrinin 0,5 faizə qaldırılmasını təklif edib. Lakin Tamuranın təklifi rədd edilib.
