Birləşmiş Ştatlar Srpska Respublikasının (Bosniya və Herseqovina qurumu) prezidenti Milorad Dodiklə əlaqədə olduqları iddia edilən dörd şəxs və dörd təşkilata qarşı sanksiyalar tətbiq edib. Bu barədə ABŞ Dövlət Departamentinin mətbuat xidmətinin yaydığı bəyanatda deyilir.
Sənəddən göründüyü kimi, Bosniya və Herseqovinadan üç şəxs və dörd şirkət “Dodik ailəsinin üzvlərinin ABŞ sanksiyalarından yan keçməyə davam edən cəhdlərini asanlaşdırdıqları” üçün sanksiya siyahısına daxil edilib. Bundan əlavə, Serb Respublikası Prezidentinin “korrupsiya və sabitliyi pozan siyasətini” təbliğ etdiyi iddia edilən yerli siyasətçiyə qarşı məhdudiyyətlər tətbiq edilib.
Bəyanatda vurğulanır ki, ABŞ hakimiyyəti Dodik və onun ailəsinə qarşı əlavə tədbirlər görmək niyyətindədir.
Oxuməni.az
