"Yenə AFFA, yenə yalançı vədlər...
Fernandu Santuşun utanmayaraq danışdığı nağıllara hansı üzlə qulaq asdılar?
Perspektiv dediyi U-21 batıb, gələndən-gedəndən 7-8 top buraxır.
Bunlardır perspektiv? Bəsdir, azarkeşləri, futbol ictimaiyyətini doladınız!".
Bu açıqlama ilə “Sportinfo TV”nin tanınmış siması Elçin Cəfərov çıxış edib.
Aparıcı ekspert AFFA-nın İcraiyyə Komitəsinin son iclası zamanı millimizin baş məşqçisi Fernandu Santuşla bağlı qeydə alınan qərar barədə kəskin çıxış edib.
Ölkənin əsas yığmasında problemin portuqaliyalı mütəxəssisdən ibarət olmadığını diqqətə çatdıran E.Cəfərov hazırki periodda yerli məşqçi təyinatının vahid sistem altında daha uğurlu olacağını deyib.
