Türkiyənin xarici işlər naziri Hakan Fidan Misirin paytaxtı Qahirədə keçirilən D-8 iclasında Yaxın Şərqə dair mühüm mesajlar verib.
Hakan Fidan İsrailin minlərlə fələstinlini vəhşicəsinə qətlə yetirərək soyqırımı davam etdirdiyini vurğulayıb. O, İsrailin vurduğu fiziki zərərə diqqət çəkərək, Qəzza və Livanın hər cür dəstəyə ehtiyacı olduğunu qeyd edib.
Nazir bu çərçivədə Türkiyənin qardaşlarının yanında olduğunu və onların ehtiyaclarına cavab vermək üçün təcrübəsini və imkanlarını təqdim etməyə hazır olduğunu bildirib.
Hakan Fidan həmçinin İsrailin regional ölkələrə, xüsusilə D-8 üzvü olan Misir və İrana qarşı aqressiv münasibətinə qarşı həmrəylik nümayiş etdirilməsinin vacibliyini qeyd edib. O, D-8-in real potensialını ortaya qoymaqda hələ də geridə qaldığını vurğulayıb.
