"Google Street View” tətbiqindən götürülmüş görüntü İspaniyanın şimalındakı baş vermiş q*ətl hadisəsinin açılması üçün kritik ipucu verib.
Polis deyir ki, proqram bir adamın avtomobilinin baqajına böyük ağ plastik torba qoyduğu anı qeydə alıb və bu, qurbanın c*əsədinin yerindən tərpəndiyi an olduğunu göstərir.
News24.az “El Pais”ə istinadən xəbər verir ki, qurbanın 33 yaşlı Kuba vətəndaşı olduğu bildirilib.
Qurban 2023-cü ilin oktyabrında itkin düşüb və yaxın qohumu zərərçəkənin telefonundan şübhəli mesajlar aldıqdan sonra vəziyyəti polisə bildirib.
Mesajlarda qurbanın bir qadınla tanış olduğu, İspaniyanı tərk etdiyi və telefonundan qurtulduğu deyilirdi.
Noyabrda polis itkin düşən kişinin sevgilisi olduğu iddia edilən qadını və qadının keçmiş partnyoru olduğu deyilən kişini saxlayıb.
Bu ayın əvvəlində yaxınlıqdakı qəbiristanlıqda qurbanın aid olduğu düşünülən çürümüş c*əsəd tapılıb.
Şübhəlilər həbs olunub və cinayət işi üzrə istintaq davam edir.
Günel Məlikzadə
