Keçmiş əri, basketbolçu Yanis Timmanın intiharına görə sosial şəbəkədə geniş tənqid edilən rus estrada ulduzu Anna Sedokova təqdirəlayiq addım atıb.
OLAY yazır ki, bu barədə sənətçinin nümayəndəsi mətbuata açıqlamasında deyib.
Direktor, 42 yaşlı Sedokovanın sözlərinə görə, Timmanın dəfn mərasiminin təşkili ilə bağlı bütün maliyyə xərclərini o, öz üzərinə götürüb.
Onun cənazəsinin idmançının olduğu Latviyaya daşınması xərclərini də Anna ödəyəcək. Məlumdur ki, Yanisin bu yaxınlarda çıxış etdiyi Rusiya komandası vida mərasiminin təşkilinə kömək edir.
Sedokova özü Timmanın ölümündən sonra izahat vermək üçün istintaq orqanlarının qarşısına çıxmayıb.
Ulduz yaşadığı dəhşətli hadisədən sonra əsəb krizi səbəbi ilə hazırda xəstəxanadadır. Annanın keçmiş əri ilə vida mərasiminə qatılıb-qatılmayacağı da hələlik məlum deyil.
Qeyd edək ki, 32 yaşlı latviyalı basketbolçu Yanis Timma dekabrın 17-nə keçən gecə intihar edib: onun meyiti Moskvada bir neçə gün əvvəl qaldığı hostelin girişində tapılıb. Son zamanlar idmançı karyerasında fasilələrlə və əvvəlki evliliyindən olan oğlu üçün aliment öhdəlikləri ilə bağlı ciddi maliyyə problemləri ilə üzləşib. Bundan əlavə, dekabrın əvvəlində məhkəmə dörd illik evlilikdən sonra Timmanın Anna Sedokova ilə evliliyini pozub. Bundan əvvəl idmançı həyat yoldaşı ilə münasibətləri bərpa etməyə çalışıb, sosial şəbəkələrdə depressiv fikirlərə işarə edib və müğənninin ondan yalnız pula ehtiyacı olduğundan şikayətlənib.
Timmanın ölümünə görə sənətçi internetdə geniş tənqid olunur. İnsanlar ulduzun perspektivli idmançının karyerasını məhv etdiyini və pulu bitəndə onu tərk etdiyini yazıb. Hadisədən sonra Sedokova özü son iki ildə “cəhənnəmdə yaşadığını” söyləyib.
Qalmaqal fonunda Timmanın bacısı sosial şəbəkələrdə qardaşı ilə vidalaşdığı bir yazı paylaşıb və qeyd edib ki, bu yaxınlarda Yanis “mübahisəli bir insan idi” və öz seçimini edib. O, həmçinin dəfn mərasimində göstərdiyi köməyə görə Sedokovaya təşəkkür edib.
