Son illərdə Rusiya və Azərbaycan arasındakı münasibətlər, xüsusilə strateji əməkdaşlıq sahəsində əhəmiyyətli irəliləyişlərə şahidlik etmişdir. Bunun bariz nümunəsi isə Rusiya Prezidentinin ölkəmizə etdiyi dövlət səfəridir. Hər iki tərəf üçün tarixi əhəmiyyət daşıyan bu səfər, müttəfiqlik münasibətlərinin daha da möhkəmləndirilməsinə töhfə vermişdir.Bu ilin yayında gerçəkləşən dövlət səfəri təkcə diplomatik bir görüş olmayıb, həm də münasibətlərin gələcəyini müəyyənləşdirən bir məqam kimi tarixə düşmüşdür. Bu səfər çərçivəsində Azərbaycan və Rusiya yalnız müttəfiqlik münasibətlərini təsdiqləməklə kifayətlənməmiş, həm də ikitərəfli əməkdaşlığın inkişaf yollarını dəqiq şəkildə müəyyən etmişdir. Müxtəlif sahələrdəki əməkdaşlıq perspektivləri iqtisadiyyat, təhlükəsizlik, enerji və mədəniyyət bu səfərin əsas müzakirə mövzularından olmuşdur.
Hər iki ölkə üçün strateji əhəmiyyət kəsb edən enerji sektoru, bu əməkdaşlığın önəmli bir hissəsini təşkil edir. Xəzər hövzəsindəki enerji resurslarının istismarı və beynəlxalq bazarlara nəqli sahəsindəki qarşılıqlı dəstək, hər iki tərəfin qazanclı çıxacağı uzunmüddətli layihələrə zəmin hazırlayır. Bununla yanaşı, təhlükəsizlik məsələlərindəki həmrəylik, regiondakı sabitliyi qorumaq üçün vacib amillərdəndir.Mədəni sahədə əməkdaşlıq da xüsusi qeyd edilməlidir. Hər iki xalqın tarixi və mədəni yaxınlığı, bu əlaqələrin təməlinin daha da dərinləşməsinə imkan yaradır. Müxtəlif səviyyələrdə keçirilən mədəni tədbirlər, sərgilər və forumlar bu sahədəki əməkdaşlığın konkret nəticələridir.
Etibarlılıq və Gələcəyə Baxış Azərbaycan və Rusiya arasındakı münasibətlər yalnız bu günün deyil, gələcəyin də təminatıdır. Prezidentlərin müntəzəm olaraq keçirdiyi görüşlər və imzalanan sənədlər, qarşılıqlı etimadın yüksək səviyyədə olduğunu sübut edir. Bu münasibətlər təkcə iki ölkənin deyil, bütövlükdə regionun inkişafına müsbət təsir göstərir.Azərbaycanın müstəqil xarici siyasət yürütməsi və beynəlxalq arenada öz maraqlarını uğurla müdafiə etməsi, Rusiya ilə tərəfdaşlığın güclənməsinə əlavə stimul verir. Hər iki tərəf bu münasibətlərin daha da inkişaf edəcəyinə, yeni iqtisadi və strateji layihələrlə zənginləşəcəyinə inanır.Rusiya və Azərbaycanın etibarlı tərəfdaş olması, nəinki iki ölkə üçün, həm də regionun sabitliyi və rifahı üçün vacibdir. Hər iki ölkənin xalqları bu münasibətlərin dəyərini anlayır və gələcəyə nikbin gözlərlə baxır. Nəticə olarağ bu gün Azərbaycan və Rusiya arasında mövcud olan qarşılıqlı hörmət və əməkdaşlıq münasibətləri, gələcəkdə daha böyük uğurlara imza atmaq üçün möhkəm zəmin yaradır. Bu dostluq və tərəfdaşlıq modeli, digər ölkələr üçün də nümunəvi bir əlaqə formatıdır. Azərbaycan və Rusiya, iki etibarlı tərəfdaş kimi, gələcəkdə də birgə inkişafı hədəfləyir.
Əliyeva Aytəkin
Azərbaycan Dillər Universiteti
