Şirvan şəhərində Bayraq meydanı adlanan ərazidə "TikTok" sosial şəbəkəsində canlı yayım açaraq, avtomobildən qoşulmuş yüksək səslə musiqiyə qulaq asan 6 nəfər şəxs saxlanılıb.
Publika.az xəbər verir ki, saxlanılan şəxslər 2003 və 2008-ci illərdə dünyaya gəlmiş Taleh, Şamil, Tərlan, Tural və Elşad adlı dostlar olub.
Onlar Rəvan adlı tanışlarının toyundan çıxaraq, Bayraq meydanı adlanan əraziyə gediblər. Dostlar avtomobildə musiqiyə yüksək səs verərək, oynamağa başlayıblar. Bu zaman "TikTok"da canlı yayım da açıblar.
Saxlanılanlar barəsində İnzibati Xətalar Məcəlləsinin 510 və 535.1-ci maddələri ilə protokol tərtib edilib, iş məhkəməyə göndərilib.
