Bakı, 20 dekabr, AZƏRTAC
Bakı Dövlət Universiteti (BDU) ilə Bişkek Dövlət Universiteti arasında anlaşma memorandumu imzalanıb.
BDU-dan AZƏRTAC-a bildirilib ki, memorandum çərçivəsində birgə layihələrin, ortaq beynəlxalq elmi seminar və konfransların keçirilməsi, tələbə və müəllim mübadiləsi proqramlarının təşkili nəzərdə tutulur. Bu sənəd universitetlərin tədris, tədqiqat və beynəlmiləlləşmə istiqamətlərində təcrübə mübadiləsi üçün yeni imkanlar yaradacaq.
Memorandumu BDU-nun rektoru Elçin Babayev və Bişkek Dövlət Universitetinin rektoru Abdılda Musayev imzalayıblar.
