ABŞ Kiyevə 1,2 milyard dollar dəyərində yeni hərbi yardım paketini elan edəcək
“AzPolitika” xəbər verir ki, bu barədə “Reuters” agentliyi diplomatik mənbələrə istinadla məlumat yayıb.
Qeyd olunur ki, məzmunu hələ də dəqiqləşdirilməkdə olan 1,2 milyard dollarlıq paket, Donald Tramp Ağ Evə qayıtmazdan əvvəl Bayden administrasiyanın Kiyevi dəstəkləmək üçün atdığı son addımlardan biri ola bilər.
Yardım Ukrayna Təhlükəsizliyinə Yardım Təşəbbüsü (USAI) vasitəsilə göndəriləcək. Bu o deməkdir ki, hərbi texnika ABŞ ehtiyatlarından deyil, müdafiə sənayesindən və ya tərəfdaşlardan alınır və çatdırılması aylar və ya illər çəkə bilər.
“AzPolitika.info”
