O qeyd edib ki, inzibati həbs 15 gündür.
"Buna görə də bütün məhbuslar ayın sonuna qədər azadlığa buraxılacaq. Bu, cinayət işi üzrə saxlanılanlara şamil edilmir”, - deyə hökumət başçısı vurğulayıb.
Baş nazirin sözlərinə görə, hazırda Tbilisidə mitinqlər dinc xarakter alıb. Bu baxımdan artıq hüquq-mühafizə orqanlarının və təhlükəsizlik orqanlarının etirazçılara qarşı güc tətbiq etməsinə ehtiyac yoxdur.
Noyabrın 28-də Gürcüstanın bir sıra şəhərlərində, o cümlədən paytaxtda kütləvi etiraz aksiyaları başlayıb. Səbəb hakimiyyətin respublikanın Avropa İttifaqına (Aİ) daxil olması ilə bağlı danışıqları dayandırmaq qərarı olub.
Proses 2028-ci ilə qədər "dondurulacaq”.
Yaranmış vəziyyəti şərh edən Kobaxidze bildirib ki, ölkə hökuməti avropalı siyasətçilərin qəbuledilməz hərəkətlərinə görə belə bir addım atıb. Xüsusilə, o , Brüsseli kredit və qrantlardan şantaj aləti kimi istifadə etməyə çalışmaqda ittiham edib.
Aytac
www.anews.az
