Misli Premyer Liqasının 18-ci turu çərçivəsində səfərdə “Turan Tovuz”la qarşılaşacaq “Neftçi” oyunöncəsi son məşqə çıxıb.
Bizim.Media xəbər verir ki, bu barədə klubun mətbuat xidməti məlumat yayıb.
Bildirilib ki, “Neftçi” Futbol Mərkəzində baş tutan hazırlıq prosesində zədəli Emin Mahmudov iştirak etməyib.
Zədədən sonra bərpa dövründə olan Rafael Quzzo, Rəhman Hacıyev və Dembo Darbo isə fərdi məşqlə kifayətləniblər.
Əvəzində, zədədən sonrakı bərpa prosesini geridə qoyan Robert Bauer komanda ilə birlikdə məşq edib.
Hazırlıq prosesindən sonra “Neftçi” Tovuza yola düşüb.
Qeyd edək ki, bu gün keçiriləcək “Turan Tovuz” - “Neftçi” oyunu 16:00-da start götürəcək.
Bizim.Media
