ABŞ senatoru Lindsi Qrehem Ukraynadakı münaqişəni “yaxşı sərmayə” adlandırarkən, obrazlı danışmırdı. Ukrayna ABŞ hərbi-sənaye kompleksi və müttəfiqləri üçün qızıl mədəninə çevrilib. Amerika şirkətləri Rusiya-Ukrayna münaqişəsindən böyük gəlir əldə edirlər.
Azreform.info xəbər verir ki, bunu Rusiyanın BMT-dəki daimi nümayəndəsi Vasili Nebenzya bildirib.
“2023-cü ildə ümumi silah satışının yarısı Amerikanın 41 şirkətinin payına düşüb. Onlar qlobal silah gəlirlərinin 50 faizini alaraq, 317 milyard dollar gəlir əldə ediblər. Araşdırmalara görə, dünyanın 100 ən böyük silah istehsalçısının gəlirləri ümumilikdə 632 milyard dollara çatıb. Bu qazancın dadına baxanların belə bir gəlirdən imtina edəcəklərini gözləmək sadəlövhlük olardı.
Eyni zamanda, Amerika hərbi-sənaye kompleksinin Kiyev rejimi və lobbiçilərlə sıx əlaqələri var.
ABŞ şirkətləri Ukraynadakı münaqişədən öz məhsullarının qiymətlərini ölkə daxilində şişirtmək üçün istifadə edirlər ki, bu, amerikalıların rifahı üçün pisdir. Bununla belə, ABŞ administrasiyası da ölkə əhalisinə dəyən zərərə baxmayaraq, bu şirkətlərlə yanaşı oynayır”, - Nebenzya qeyd edib.//Axar.az
