Rusiyadakı AvtoVAZ-ın rəhbəri Lada Vesta və Niva modellərinin istehsalının dayandırılmasının səbəblərini açıqlayıb. Rəhbər həmçinin şirkətin strategiyasına təsir edən amillərdən danışıb.
SİA xəbər verir ki, onun sözlərinə görə, zavod artıq cari ilin avtomobil istehsalı planını yerinə yetirərək 500 mindən çox avtomobil istehsal edib.Bununla belə, son aylarda bazarda Mərkəzi Bankın əsas faiz dərəcəsinin artması səbəbindən əhəmiyyətli bir daralma müşahidə olunmağa başladı ki, bu da ehtiyat üçün avtomobil istehsalını praktiki olaraq mümkünsüz etdi.
Bundan əlavə, şirkətin işinə Çin avtomobil istehsalçılarının rəqabəti də təsir edir.
Rəhbər bildirib ki, AvtoVAZ-ın istehsal gücü ilə bazar tələbi arasında tarazlığı saxlamaq vacibdir. O qeyd edib ki, təkrar emal haqqının artırılması hələ bazara nəzərəçarpacaq təsir göstərməyib, çünki Çin istehsalçıları Rusiyada xeyli avtomobil ehtiyatı yaradıblar ki, bu da qiymətlərin artırılmasını çətinləşdirir.
Şirkət rəhbəri onu da bildirib ki, hazırda ölkədə Çin istehsalı olan 500 mindən çox avtomobil var ki, bu da tələbata mənfi təsir göstərir. Rəhbər əlavə edib ki, AvtoVAZ Çin avtomobillərinin artıqlığının gələn ilin ortalarından tez tükənəcəyini gözləyir və bu vəziyyət şirkətin istehsal eləcə də investisiya planlarına ciddi təsir göstərir.
Nazlı Almuradova
