Aİ müharibənin başlanmasının ildönümündə Rusiyaya qarşı 16-cı sanksiyalar paketini qəbul edə bilər...
Avropa İttifaqının 24 fevral 2025-ci ildə yeni, 16-cı anti-Rusiya sanksiyalar paketini qəbul etməsi gözlənilir.
Poliqon xəbər verir ki, bu barədə Almaniyanın “Die Welt” qəzeti assosiasiya ölkələrinin diplomatlarına istinadən yazıb. Qeyd olunur ki, hazırda bu məsələ üzərində iş gedir və təsdiqlənmə mərhələsindədir. Qərb ölkələri 24 fevral 2022-ci ildə müharibənin başlanmasından bəri Rusiyaya qarşı sanksiya təzyiqlərini gücləndirir.
Yeni məhdudiyyətlər Rusiya iqtisadiyyatının əvvəllər sanksiyalara məruz qalmayan və ya “kifayət qədər əhatə olunmayan” sektorlarına yönəldiləcək. Həmçinin yeni məhdudiyyətlər müharibəni dəstəkləyən şəxslərə və təşkilatlara şamil ediləcək. Ənənəvi olaraq, stop siyahısına daxil olanların ölkəyə girişinə qadağa qoyulması və onların Aİ-dəki aktivlərinin bloklanması gözlənilir.
Xatırladaq ki, dekabrın 16-da Avropa İttifaqı 15-ci anti-Rusiya sanksiyalar paketinin qəbul edildiyini elan edib. Məhdudlaşdırıcı siyahılara Çin, Hindistan, BƏƏ və Serbiya şirkətləri də daxil olmaqla 54 fiziki şəxs və 30 təşkilat daxildir. Məhdudiyyətlər Rusiyanın “tankerlərin kölgə donanmasından” istifadə edərək G7-nin neft qiymətlərinin yuxarı hədlərini aşmasının qarşısını almaq məqsədi daşıyır.
Poliqon.info
