Meksikanın qərbində baş verən kiçik şəxsi təyyarə qəzasında azı 7 nəfər həyatını itirib.
“İki sahil” Xalisko ştatının mülki müdafiə xidmətinə istinadən xəbər verir ki, hadisə bazar günü Miçoakan ştatının La Parota kəndindən havaya qalxan Cessna 207 təyyarəsinin qəzaya uğraması nəticəsində baş verib. Təyyarə ucqar meşəlik ərazidə yerə düşüb.
Departamentin X sosial şəbəkəsindəki səhifəsində yayılan məlumatda bildirilir ki, hadisə yerinə gələn polis 7 cəsəd tapıldığını qeyd edib. Ölənlərin şəxsiyyəti hələlik müəyyən edilməyib.
Xilasedicilər təyyarənin qalıqlarını təmizləmək işlərini davam etdirir və əlavə zərərçəkənlərin olub-olmaması araşdırılır.
