“Tottenhem”in baş məşqçisi Angelos Postekoqlu Premyer Liqanın “Liverpul”la 17-ci tur ev oyununda 3:6 hesablı ev məğlubiyyətini şərh edib.
Arena.az “Tottenhem”in rəsmi saytına istinadən, yunanəsilli avstraliyalı mütəxəssisin bu barədə fikrini təqdim edir:
“Aydındır ki, bu, bizim üçün ağrılı idi. Biz “Liverpul”a layiq olduğunu verməliyik, onlar yaxşı komandadır. Bu gün bizim üçün çox yaxşı idilər. Əlbəttə, azacıq güc-qüvvəmiz əskik idi. Bu, sadəcə olaraq, bizim cari vəziyyətimizdir”, deyə Postekoqlu vurğulayıb.
16 oyundan 39 xalla “Liverpul” İngiltərə Premyer Liqasının yarış cədvəlində zirvədə qərarlaşıb. “Tottenhem” isə 17 oyundan 23 xalla 11-ci yerdədir.
