Juninyonun bir mərkəz hücumçusu kimi əsas keyfiyyətləri nədi? Heç də yüksək səviyyədə olmayan texnikasını başqa hansı keyfiyyətləri hesabına kompensasiya edir? “Football-plus.az” bu sualları təcrübəli mütəxəssis Aslan Kərimova ünvanlayıb:
“Azərbaycanda olan hücumçulardan fərqi sürətidi. Həm də uzunməsafəli sürətə malikdi. Müdafiəçiləri qabaqlaya bilir. Ötürmələrdən sonra millisaniyələr belə rol oynayır. Kimisə bir santimetr qabaqlayırsansa, topa ilk toxunan sən olursan. Hücumçu kimi yaxşı boya malikdi. Hava toplarında da yaxşı görünür. Juninyo təkbətək mübarizələrdə kimisə keçmək məğlubiyyətində deyil. Texnikası aşağıdı? Topun ram edilməsi, bir toxunuşla vurulması da texnikadı. Texnika geniş anlayışdı. Rəqibləri aldatması çox da gözə dəyən deyil. Sənin sürətin yoxdusa, rəqibi aldadıb keçməyə məcbursan. Yetərincə sürətin varsa, topu futbolçunun yanından atıb keçə bilirsənsə, başqa elementərə ehtiyac qalmır. Onun müdafiə baxımından da effektivliyi var. Ötən il sürəti hesabına məsafəni daraldır, rəqiblərindən tez bir zamanda topi almağı da bacarırdı. Bu da hücumçu üçün bir avantaj idi. Bu il bu göstərici bir qədər aşağı düşdü”.
ƏSƏD SEYİDOV
