Ukrayna prezidenti Vladimir Zelenski Ali Baş Komandanın qərargahının iclasını keçirib. İclasda Kursk əməliyyatı müzakirə edilib.
Bu barədə Ukrayna dövlətinin başçısı dekabrın 23-də Telegram-da məlumat verib.
Ukrayna Silahlı Qüvvələrinin Ali Baş Komandanı Aleksandr Sırski cəbhədəki vəziyyət və Rusiya ordusu üçün Şimali Koreyadan əlavə əsgər və hərbi texnika göndərilməsinin riskləri barədə məlumat verib. Prezident buna “əsl cavablarımızı” açıqlayıb. “İndi ilkin məlumatlara görə, Kursk vilayətində Şimali Koreya əsgərlərinin ölən və yaralanan sayı artıq 3 mini ötüb”, – deyə Zelenski bildirib.
O, həmçinin Moskva və Pxenyan arasında əməkdaşlığın artırılmasının Koreya yarımadası ətrafında və onun qonşu regionlarında və sularında sabitliyin pozulması riskini mütənasib şəkildə artıracağının dünyada başa düşülməsinin vacibliyini vurğulayıb. “Müasir müharibə təcrübəsinin Rusiyadan ötürülməsi və hərbi texnologiyaların yayılması qlobal təhlükədir. – deyə prezident yekunlaşdırıb.
//Samir Qurbanov, Editor.az
