"Kəpəz"in 2024-2025-ci illər mövsümünün qış fasiləsindəki hazırlıq planı müəyyənləşib.
Sportinfo.az xəbər verir ki, bu barədə klubu mətbuat xidməti məlumat yayıb.
"Sarı-göylər" yanvarın 2-də Gəncədə bir araya gələcəklər. "Kəpəz" Məşq Mərkəzində bir həftəlik təlim-məşq toplanışı keçirəcək.
Çempionata hazırlıq müddətində yoxlama oyunları da nəzərdə tutulub. Rəqiblərdən biri artıq məlumdur.
Komanda yanvarın 9-da "Qarabağ" ilə qarşılaşacaq. Matç Bakıda olacaq.
"Kəpəz" hazırda Misli Premyer Liqasının turnir cədvəlində 11 xalla 9-cudur.
